नेपालबाट आएर अस्ट्रेलियामा आफ्नै घर किन्नु ठूलो सपना हो — र यो सपना हरेक वर्ष हजारौं नेपाली परिवारले पूरा गरिरहेका छन्। के सम्भव छ भन्ने कुरा मुख्यतया दुई कुरामा भर पर्छ: तपाईंको भिसा स्थिति र तपाईंको डिपोजिट।
PR (स्थायी बसोबास) हुनुहुन्छ भने
- प्रायः सबै बैंकले तपाईंलाई अस्ट्रेलियन नागरिक सरह व्यवहार गर्छन् — ५% डिपोजिटसम्म लोन सम्भव छ।
- FIRB अनुमति चाहिँदैन — कुनै शुल्क छैन, नयाँ वा पुरानो जुनसुकै घर किन्न पाइन्छ।
- Home Guarantee Scheme प्रयोग गरे ५% डिपोजिटमा LMI बिना किन्न सकिन्छ, र पहिलो घर किन्नेका लागि स्ट्याम्प ड्युटी छुट पनि पाइन्छ ($८००,००० सम्मको घरमा NSW मा शून्य ड्युटी)।
अस्थायी भिसामा हुनुहुन्छ भने (४८२, ४८५, ४९१ आदि)
- किन्न सम्भव छ, तर नियम कडा छन्: प्रायः बैंकले २०% डिपोजिट माग्छन्।
- FIRB अनुमति अनिवार्य छ — शुल्क करिब $१५,००० देखि सुरु हुन्छ ($१० लाखभन्दा कम मूल्यको घरमा)।
- महत्त्वपूर्ण: १ अप्रिल २०२५ देखि ३१ मार्च २०२७ सम्म अस्थायी भिसा होल्डरले पुरानो (established) घर किन्न पाउँदैनन्। यो अवधिमा नयाँ घर (off-the-plan, house-and-land) वा खाली जग्गा किनेर घर बनाउने बाटो मात्र खुला छ। घर बनाउने लोनबारे यहाँ पढ्नुहोस्।
- NSW मा विदेशी खरिदकर्ता surcharge (हाल ९%) पनि लाग्छ — त्यसैले हिसाब राम्ररी गरेर मात्र अघि बढ्ने।
श्रीमान्–श्रीमतीको नियम: यदि तपाईंको जीवनसाथी अस्ट्रेलियन नागरिक वा PR हुनुहुन्छ र तपाईंहरू joint tenants भएर सँगै किन्नुहुन्छ भने, सामान्यतया FIRB अनुमति नै चाहिँदैन — शुल्क छैन, पुरानो घर किन्ने रोक पनि लाग्दैन। मिश्रित-स्थितिका जोडीहरूका लागि यो सबैभन्दा सजिलो बाटो हो, र म सबैभन्दा पहिले यही जाँच्छु।
व्यावहारिक सल्लाह — मैले हरेक हप्ता दिने
- PR नजिकै छ भने (महिनाहरूको कुरा): प्रायः कुर्नु नै फाइदाजनक — FIRB शुल्क बच्छ, डिपोजिट ५% सम्म झर्छ, र सरकारी सुविधाहरू खुल्छन्।
- PR टाढा छ र राम्रो जागिर छ भने: २०% डिपोजिटसहित नयाँ घर वा जग्गा+निर्माण — वर्षौंको भाडाभन्दा सस्तो पर्न सक्छ। दुवै हिसाब निकालेर मात्र निर्णय गर्ने।
- कमाइ–खर्च मिलाएर राख्नुहोस्: बैंक स्टेटमेन्ट सफा राख्ने, क्रेडिट कार्डको सीमा घटाउने, र ठूलो खरिदअघि pre-approval लिने।
नेपालीमै कुरा गरौं
म ज्वाला अर्याल — सिड्नीमा १२ वर्षदेखि मोर्टगेज ब्रोकरको काम गर्दैछु, र मेरा धेरै ग्राहक नेपाली परिवार नै हुनुहुन्छ। सम्पूर्ण प्रक्रिया नेपालीमै गर्न सकिन्छ — कागजात बुझाउनेदेखि settlement सम्म। ब्रोकर सेवा तपाईंलाई निःशुल्क छ (कमिसन बैंकले तिर्छ)। WhatsApp वा फोन 0433 543 224 मा सिधै सम्पर्क गर्नुहोस्। English मा पढ्न: Buying a home on a visa (English)। हिन्दीमा: हिंदी जानकारी।
FIRB नियम र शुल्कहरू समय-समयमा परिवर्तन हुन्छन् — यो सामान्य जानकारी मात्र हो, निर्णय गर्नुअघि आफ्नो अवस्थाअनुसार पुष्टि गर्नुहोस्।